Vadder un lütt Soehner Jan,
beid’ de Dörpstrat runner gahn,
as ein Mann entgägenkümmt
un bi ’n Gruß denn’ Haut afnimmt.
Vadder knurrt: „Wecker is dat?“
Denn’ hew ’k hier noch nie nich hatt…
Un wurüm grüßt hei grad mi?“-
„Vadding, dat verklor ik di.
Hei un ik, wi kenn’n uns beid’,
twors weit ik nich, wur he heit,
doch ik weit, wurher hei stammt-
hei kümmt von dat Ümweltamt!“
„Ümweltamt?“ sien Vadder fröggt.
„Ja, uns Mudding hei besöcht!
Hei will weiten, dat steiht wiss,
ob de Luft ok reiden is!“
Helmut Hillmann