Der Wochenspiegel veröffentlicht in loser Folge Texte auf Plattdeutsch. Unterstützt werden wir dabei vom Verein für Niederdeutsch im Land Brandenburg e.V. sowie vom Plattdeutschen Stammtisch Wittstock. Dafür vielen Dank! Und Ihnen, liebe Leserinnen und Leser, viel Vergnügen beim Lesen! Ihr Wochenspiegel-Team

Dat Gedicht schreew Ernst Stadtkus 1957, als de Kleenboahn „Pollo“ noch alle Dage dörch de Prignitz zuckelt is. Damit wär dat 1967 awers vörbi. De Strecke wär dunn instellt worrn. Siet 1993 giwwt dat in Lindenberg een Verein un dat Kleinbahnmuseum. Nu föhrt de Pollo werrer an de Wochenenn un to Sonderfahrten.

Willst du dörch de Prignitz reisen,
kumm mien Fründ, ick load die in.
Köp die’n Foahrkoart, un denn stieg’n wie
in uns olle Kleenboahn rinn.Schaffner winkt, un Pollo fläut denn tuut
un föhrt ok richtig aff.
Bergupp geiht man tämlich langsam.
Bergrunn geiht in schlanken Traw.Joa, sönn Kleinboahnfoahrt is lustig,
wunnerschön un interessant.

Pollo schunkelt so gemütlich

dörch uns leewet Prignitzland.

Funken fliegen, un met Vulldamp
geiht daet ümm de Kurven rümm.

Wenn de Schien’n ok bäwern, klappern,

Pollo kippt trotzdem nich ümm.

Stieg’n in Perleberg wie morgens
ielig in de Kleenboahn rinn
kann’t passeern, daet wie owends
tämlich spät in Kyritz sinn.Dörch de Dörper, Feller, Wischen
föhrt uns Kleenboahn krüz un quer;
wer keen Tied haett, föhrt met’s
Foahrrad oder Moped hinnerher.Upp de Kleenboahn, kunnst de seggen,
haest do ok watt för dien Geld;
denn för dree Moark fiewuntwintig
föhrst do dörch de halwe Welt.

Ow noa Bullendörp, noa Schrepkow

oder ob noa Bärensprung un Düpe
kümmst do met den Pollo henn.
Do kunnst ut de Fenster kieken.
Sühst de Dörper un daet Lann.Wenn do Dösst hest, kunnst do drinken,
wo een Kroag is, höll he an.
Sößtig joahrlang föhrt de Pollo
Dag för Dag dörch’d Prignitzland.Wenn een seggt, uns Pollo dücht nich,
de haett davon keen Verstand.
Pollo is een Stück von’d Prignitz,
ohne em wär’t manchmoal schlicht.Un he deiht ok hüt wie damoals,
treu un brav noa siene Pflicht.
So mien Fründ, nu will’n wie utstieg’n,
unse Foahrt is hier toenn.Willst do de Prignitz moal besöken,
kumm man met den Pollo henn.Ernst Stadtkus