Vör lange Tied het Kaiser Augustus denn Befehl gäben, dat sick alle Lüd ut sien Riek in Stüerlisten indroogen sülln, damit he jenau wüst, wovööl Minschen in sien Lann läben.
To disse Tied wär Quirinius de Stadtholler von Syrien.
Darup güng nu jeder in siene Stadt, wo he ens geboorn worrn is un löt sich indroogen in de Listen.
So is ok Josef von Nazareth in Galiläa lostreckt hen no Judäa, in de Stadt Davids, de da heet Bethlehem, denn he wär jo eener von dat Geschlecht Davids.
He woll sich nu indroogen looten tohoop mit Maria, dat wär sein Wief, de wär schwanger.
As se nu da wärn, käm de Tied för Maria, dat se ehr Kind to d’ Welt bräng’n müsst. Da öwerall vööle Minschen ünnerwegs west sünd, wärn alle Herbergen vull. Awer in een Stall hemm de Beiden noch Platz funn’ un so keem dat, dat Maria ehr Kind da to d’ Welt bröcht hett. Se wickelte denn Jung in Winneln un lecht em inne Kripp.
Buten up d’ Feld, da wärn de Schäpers un hüll’n Wach bi de Schoop. Da keem up eenmol een Engel vom Herrn up se dool, de stroolte so hell un klor.
De Hirten awer hemm Angst kreegen, denn sowat harrn se no nie nich sehn.
De Engel hett to se sprooken: „Fürcht ju nich, denn ik bräng groode Freud för alle Minschen! Hüt is för ju de Retter geborn, he is de Messias, de Herr. Dat Kind finn’n ji in Winneln wickelt, dat licht inne Kripp in Stall.“
Un up eenmol wär da een grodet himmlischet Heer von Engeln, de hemm Gott loowt un sprooken: „Ehr sei Gott in de Höh un Freeden up de Eer un denn Minschen een Wohlgefall’n.“
As de Engels nu werrer tum Himmel trüchkehrt wärn, wüssten de Hirten erst gar nich, wat los is. Darümmer güng’n se los un söchten de Herberch mit den Stall. Se wollten weeten, ob dat alln’s so stimmt, wat de Engel seggt hett. Un so hemm se dunn denn Stall mit dat Kind funn’.
Dat leech in de Kripp, so as de Engel seggt hett, un Maria un Josef weern bi em.
Da vertellten de Hirten, wat de Engel to se sprooken hett un Maria hörte good to un bewohrte all de Wöör in ehrn Harten.
De Hirten güngen werrer to ehre Schoop up d’ Feld un priesen un loowten Gott.
Ut dat Lukasevangelium