Der Wochenspiegel veröffentlicht in loser Folge Texte auf Plattdeutsch. Unterstützt werden wir dabei vom Verein für Niederdeutsch im Land Brandenburg e.V. sowie vom Plattdeutschen Stammtisch Wittstock. Dafür vielen Dank! Und Ihnen, liebe Leserinnen und Leser, viel Vergnügen beim Lesen! Ihr Wochenspiegel-Team

Minsch, wo süht die Strat blots ut,

meint oll Hannes Klaus,

nicks as Water, Ies un Snei,

nicks as Matsch un Maus!

Blots in Stäwel kannst du ’t wagen,

mal nah buten gahn,

denn die Höltentüffeln blieben

gliek in’n Dreck di stahn.

Ja, so futert Vadder Klaus,

dei dei Breif’utdreggt

un sick tweimal, zapperlot,

all in’n Snei hett leggt.

Blots die Sparlings hebb’n iehr’n Spaß,

jilpen as verrückt,

wenn sick einer ut Verseihn

in dei Matsch verdrückt.

Dortau drüppt dat ut dei Böhm,

nieselt fien dei Rägen,

un dei Snei up’t Schünendack

hett dat Rutschen krägen.

Ne, dor law ick mi den Frost,

ok wenn hei makt Pien:

wenn die Wintertied is dor,

mütt ok Winter sien!

Richard Giese