Der Wochenspiegel veröffentlicht in loser Folge Texte auf Plattdeutsch. Unterstützt werden wir dabei vom Verein für Niederdeutsch im Land Brandenburg e.V. sowie vom Plattdeutschen Stammtisch Wittstock. Dafür vielen Dank! Und Ihnen, liebe Leserinnen und Leser, viel Vergnügen beim Lesen! Ihr Wochenspiegel-Team

Wat, Kirl, wat seggst? – Wat föllt Di in?

Du willst de Herr in ’t Hus hier sin?

Nu kiek, dit ward jo ümmer netter ...

Di jöckt wurmöglich dull Din Ledder!

Wat, Herr in ’t Hus?- Dit ’s doch tau vel!

Glieks kriegst Du wat mit’n Bessenstehl!

So schriet den Snieder Flick sin Wiew

un rückt ehr’n Kirl dicht up dat Liew.

De kriegt dat Bewern in de Glieder –

’t was man son lütt behenden Snieder!

Ja, Mudding, ja, Du hest jo recht!

Du büst de Herr - ick hev nix seggt!

Indem kümmt nu ein Kurgast rin,

un wiel de Lüd’ stets höflich sin,

grüßt hei mit fründlich Wurt un Mienen:

Guten Tag, Herr Flick, wie geht es Ihnen?

Dei öwer seggt: Sei irren sick ...

da, mine Fru, dat is Herr Flick!

Martha Müller-Grählert (*1876)