Der Wochenspiegel veröffentlicht in loser Folge Texte auf Plattdeutsch. Unterstützt werden wir dabei vom Verein für Niederdeutsch im Land Brandenburg e.V. sowie vom Plattdeutschen Stammtisch Wittstock.
Dafür vielen Dank! Und Ihnen, liebe Leserinnen und Leser, viel Vergnügen beim Lesen! Ihr Wochenspiegel-TeamHe sä mi so velHe sä mi so vel,
un ik sä em keen Wort,
un all wat ik sä, weer:
Jehann, ik mutt fort!
He sä mi vun Lev
un vun Himmel un Eer,
he sä mi vun Allens,
ik weet ni mal mehr!
He sä mi so vel,
un ik sä em keen Wort,
un all wat ik sä, weer:
Jehann, ik mutt fort!
He heel mi de Hann,
un he bet mi so dull
ik schal em doch god wern,
un ob ik ni wull?
Ik weer je ni bös,
awer sä doch keen Wort,
un all wat ik sä, weer:
Jehann, ik mutt fort!
Nu sitt ik un denk,
un denk jümmer daran,
mich dücht, ik mutt seggt hebb’n:
Wi geern, min Jehann!
He sä mi so vel,
un ik sä em keen Wort,
un all wat ik sä, weer:
Jehann, ik mutt fort!
Und doch, kummt dat wedder,
so segg ik keen Wort,
un holt he mi, segg ik:
Jehann, ik mutt fort!
Klaus Groth