De Lihrerin Pauline Vagt
harr sick ’ne Stund’ lang redlich plagt,
de lütten Dierns dat klortaumaken
– denn sei versteiht sick up so’n Saken –
dat Gott nich blots in’n Himmel wahnt,
in Boom un Barg, in Sünn un Mand,
in Vagelei un Blaumenknupp
slöggt de leiw’ Herr sien Wahnung up,
un ok in jedes Minschenhart;
dat nennt man sien Allgegenwart.
Nu klingt dat.
„Kinder, wenn ihr jetzt
euch draußen froh beim Spiel ergötzt
und ich alleine bleibe hier,
ei, sagt doch, wer ist dann bei mir?”
Dunn meld’t sick de lütt Gertrud Sass:
„De Lihrer ut de föfte Klass!”
Ernst Boldt